第五份工

唔經唔覺自己已經轉左五份工...平均每年轉一份, 朋友聽到都打個"突"
當然我就不以為然, 反正有得揀點解唔揀份好工喎?

講下份新工先啦, 都離唔開我既老本行寫 program. 公司本身係一間勁大美資企業囉. 而我direct report 去美國個邊既manager度. 由於有成十二個鐘時差關係, 有時都需要夜晚同佢傾計架. 日日都要同佢講英文, 想唔好都唔得啦.
聽講話, 我呢個位請左成兩年都請唔到人, 可能我符合佢地既要求所以請我掛? 哈哈, 唔係講笑, 我同佢 phone interview 左兩個鐘 program knowledge....真係講到我口水都乾呀~~~ 不過咁, 如果唔問得咁清楚又點知我乜料喎, 我好鍾意佢地做野認真~

工作環境如意, 每個人都好好, 加上番工放工準時 (mon-fri, 8:45am - 5:30pm), 無乜事都唔想我OT(OT 仲有補水)...都咪話呀, 有更多時間去做我想做既野, 咁咪幾好!