寵物 小精靈

前排 趙經理 同 鄭經理 兩個大戶傾開 養"龜 "事宜, 傾到眉飛色舞
跟住上網指俾我睇 呢隻乜鬼鑽石龜, 個隻南非龜, 講到頭頭是道
原來佢兩條友花左千幾 $ 開始養龜之道
趙經理條友成日以"龜"之名揶揄我, 又tum 我加入佢地龜公之行列...
我先無佢地咁傻仔呀
零晨三點幾四點去天光道買龜(因為要平), 訓下覺好過啦!

講開龜, 我仲好記得舊公司養既金魚"肥媽"...記得佢個陣 "食自己" d 仔既時候真係好噁心!!
算啦, 金魚唔係人, 識鬼分個條魚係自己個仔定係食物咩

今晚同女友玩佢既寵物 龍貓"哥哥", 嘩, cute 到爆, 捲埋成個波咁(勁過蠟筆小新既小白)...俾d火山泥佢即刻用來沖涼沖成十幾分鐘@@
之後歎到攤係度大覺訓..我都真係服佢lu~~~
係咪物似主人型呀?... =P